Դիլիջանի ոստիկանները փայտանյութի ապօրինի տեղափոխման դեպք են բացահայտել

Դեկտեմբերի 29-ին ոստիկանության Դիլիջանի բաժնի ծառայողների աչալուրջ ծառայության շնորհիվ փայտանյութի ապօրինի տեղափոխման հերթական դեպքը բացահայտվեց:
Ժամը 8-ի սահմաններում ոստիկանները Դիլիջանի ոլորանների անշարժ պահակետում ստուգել են Իջևան քաղաքի 45-ամյա բնակչի կողահատ տախտակներով բեռնված «ԳԱԶ-3302» մակնիշի մեքենան:
Վարորդը փայտանյութի օրինականությունը վկայող որևէ փաստաթուղթ չի ներկայացրել, հայտնել է, որ ձեռք է բերել Իջևանից:
Փայտանյութով բեռնված մեքենան տեղափոխվել է ոստիկանության Դիլիջանի բաժնի հատուկ պահպանվող տարածք:
Հանգամանքները պարզվում են:
Նախապատրաստված նյութերն, ըստ ենթակայության, ուղարկվել են ոստիկանության Իջևանի բաժին: