Մասնագիտական գիտելիքների դիֆերենցված ստուգարքներ ոստիկանությունում

Դեկտեմբերի 21-ից ոստիկանությունում մեկնարկում են ոստիկանության Երևան քաղաքի և մարզային վարչությունների պետերի օպերատիվ ու ծառայության գծով տեղակալների, շտաբի պետերի և ենթակա բաժինների պետերի մասնագիտական գիտելիքների դիֆերենցված ստուգարքները։
Ստուգարքներն ընդունում է հանձնաժողովը, որի նախագահը ոստիկանության պետի առաջին տեղակալ Արամ Հովհաննիսյանն է։ Հանձնաժողովում ընդգրկված են ոստիկանության պետի ծառայության գծով տեղակալը, ոստիկանության շտաբի, քրեական ոստիկանության գլխավոր, հասարակական անվտանգության ապահովման գլխավոր, ներքին անվտանգության և կադրային քաղաքականության վարչությունների ղեկավար կազմը։
Դեկտեմբերի 21-ին ստուգարք հանձնեցին ոստիկանության Գեղարքունիքի, Սյունիքի և Վայոց ձորի մարզային վարչության ու ենթակա տարածքային ստորաբաժանումների ղեկավարները։
Նշենք, որ ստուգարքները կտևեն 5 օր, ինչին կմասնակցեն ոստիկանության բոլոր մարզային վարչությունների ու ենթակա ստորաբաժանումների պետերը։