Հրդեհի հետևանքով ստացած այրվածքներից մահացել է

Նոյեմբերի 10-ին, ժամը 08.10-ին, ՀՀ ՏԿ ԱԻՆ «911» ծառայության հերթապահից ոստիկանության Արտաշատի բաժնում հաղորդում է ստացվել, որ 1973 թ. ծնված Արամ Մ.-ն իրենց հայտնել է, որ Մխչյան գյուղի Պ. Սևակի փողոցի թիվ 20 տանը հրդեհ է, և ներսում տուժող կա:
Մեկնած օպերատիվ խումբը պարզել է, որ նույն օրը, ժամը 07.00-ի սահմաններում, անհայտ պայմաններում հրդեհ է բռնկվել 1961 թ. ծնված Արթուր Գեղամյանի տան հյուրասենյակում, ինչի հետևանքով վերջինս ստացած այրվածքներից տան նախասրահում մահացել է:
Հրդեհը մարվել է ժամը 09.08-ին՝ մարտական 2 հաշվարկի ուժերով:
Հանգամանքները պարզվում են:
Կատարվում է նախաքննություն: