Նկուղից գողության փորձ կատարած երիտասարդները ձերբակալվել են դեպքից կարճ ժամանակ անց

Հուլիսի 8-ին՝ կեսգիշերն անց, ոստիկանություն է զանգել Սպիտակ քաղաքի Թորոսյան փողոցի շենքերից մեկի բնակչուհին և հայտնել, որ նկուղի դուռը կոտրված է, և այնտեղից երկու երիտասարդ են դուրս գալիս։
Ահազանգով մեկնած համայնքային ոստիկաններն ու Լոռու մարզի պարեկները Շենավան գյուղի բնակիչ 27-ամյա երիտասարդին Թորոսյան փողոցում հայտնաբերել, ձերբակալել և տեղափոխել են Սպիտակի բաժին, իսկ «ՎԱԶ-2107» ավտոմեքենայով փախուստի դիմած՝ Ծաղկաբեր գյուղի բնակիչ 30-ամյա երիտասարդին պարեկները հայտնաբերել են Սպիտակի Ալեք Մանուկյան փողոցում: Նա նույնպես ձերբակալվել և տեղափոխվել է բաժին։
Պարզվել է, որ երիտասարդները փորձել են գողություն անել նկուղից, սակայն հանցագործությունն ավարտին չեն հասցրել։
Նրանք ու կազմված փաստաթղթերը ներկայացվել են նախաքննական մարմին: