Մալաթիայի բաժնի ոստիկանները գողության դեպք են բացահայտել

Համայնքային ոստիկանության Մալաթիայի բաժնում մայիսի 14-ին հաղորդում էր ստացվել, որ Անդրանիկի փողոցում գտնվող հացի արտադրամասի դրամարկղից փող են գողացել:
Ձեռնարկված օպերատիվ-հետախուզական միջոցառումների արդյունքում պարզվել է, որ գողությունը կատարել է 47-ամյա տղամարդը:
Մայիսի 21-ին 47-ամյա տղամարդը Երևանի Բաբաջանյան փողոցում հայտնաբերվել և տեղափոխվել է բաժին, որտեղ խոստովանել է արարքը։ Նա և կազմված փաստաթղթերը ներկայացվել են նախաքննական մարմին: