Երթուղայինում բջջային հեռախոս գողացած անձը հայտնաբերվեց (ՏԵՍԱՆՅՈՒԹ)

Սեպտեմբերի 24-ին, ժամը 16․00-ին, ոստիկանության Քանաքեռ-Զեյթունի բաժին դիմած կինը հայտնել էր, որ առավոտյան երթուղային միկրոավտոբուսում իր պայուսակից բջջային հեռախոսն են գողացել։
Քանաքեռ-Զեյթունի քրեական հետախույզների ձեռնարկած միջոցառումների արդյունքում տեղեկություններ ստացվեցին, որ գողությունը հնարավոր է կատարած լինի երևանցի 59-ամյա տղամարդը։ Ոստիկանները նրան հայտնաբերեցին հոկտեմբերի 10-ին՝ Դրոյի փողոցում և, գողությունը կատարելու կասկածանքով, բերման ենթարկեցին։
Տղամարդը ներկայացվել է Քանաքեռ-Զեյթունի տարածքային քննչական բաժին։
Ձեռնարկվում են միջոցառումներ գողոնը հայտնաբերելու ուղղությամբ։
Կատարվում է նախաքննություն։