Մալաթիայի ոստիկանները հայտնաբերեցին տան բակից բջջային հեռախոս գողացած տղամարդուն (ՏԵՍԱՆՅՈՒԹ)

Հոկտեմբերի 7-ին ոստիկանության Մալաթիայի բաժնի քրեական հետախույզներն, իրացնելով ստացված օպերատիվ տվյալները, Աշտարակի խճուղում հայտնաբերել ու գողության կասկածանքով բերման են ենթարկել Երևանի բնակիչ, 54-ամյա մի տղամարդու։ Վերջինս խոստովանել է, որ հոկտեմբերի լույս 5-ի գիշերը բաց դարպասով մտել է Ավանի տներից մեկն ու բակի սեղանի վրայից բջջային հեռախոս հափշտակել։ Մալաթիայի ոստիկանները հայտնաբերել են գողոնը։ Այն առգրավվել է։ Դեպքի առթիվ նախապատրաստված նյութերը տարածքային կարգով փոխանցվել է ոստիկանության Նոր Նորքի բաժին։ Հանգամանքները պարզվում են։