Ի կատարումն ՀՀ նախագահի հանձնարարականի՝ ճանապարհային երթևեկության վիճակը բարելավելու նպատակով ոստիկանությունը շարունակում է հանրային քննարկման ներկայացնել միջգերատեսչական հանձնաժողովում ստացված առաջարկները
![Ի կատարումն ՀՀ նախագահի հանձնարարականի՝ ճանապարհային երթևեկության վիճակը բարելավելու նպատակով ոստիկանությունը շարունակում է հանրային քննարկման ներկայացնել միջգերատեսչական հանձնաժողովում ստացված առաջարկները Ի կատարումն ՀՀ նախագահի հանձնարարականի՝ ճանապարհային երթևեկության վիճակը բարելավելու նպատակով ոստիկանությունը շարունակում է հանրային քննարկման ներկայացնել միջգերատեսչական հանձնաժողովում ստացված առաջարկները](/timthumb?src=/resources/police/img/news/big/1446134784,7134.jpeg&q=75&w=780&wm=1)
ՀՀ Նախագահի մոտ 2015 թ. սեպտեմբերի 11-ին կայացած խորհրդակցության ընթացքում տրված հանձանարարականի կատարման նպատակով ՀՀ ոստիկանության պետի հրամանով ստեղծվել է միջգերատեսչական հանձնաժողով՝ ճանապարհային երթևեկության ոլորտում առկա խնդիրները մշտադիտարկելու, բարեփոխումների ընթացքը համակարգելու և հեռանկարային ծրագրեր առաջարկելու համար:
Հանձնաժողովը որդեգրել է թափանցիկ ու հրապարակային գործելակերպ և ակնկալում է բոլոր շահագրգիռ կազմակերպությունների, կառույցների, քաղաքացիների աջակցությունը, որոնք կարող են ներկայացնել ճանապարհային երթևեկության բարելավմանն ուղղված առաջարկներ ու ծրագրեր:
Համոզված ենք, որ հանրության լայն ընդգրկումը մեր երկրի համար կարևոր այս խնդրի լուծման գործում, կարագացնի բարեփոխումների գործընթացը և կնպաստի արդյունավետ լուծումների ու որոշումների կայացմանը:
Միջգերատեսչական հանձնաժողովը պատրաստ է քննարկել և սպասում է ձեր առաջարկներին, որոնք կարող եք ուղարկել s.hovhannisyan@police.am էլեկտրոնային փոստի հասցեով:
Շարունակում ենք հանրային քննարկման համար ներկայացնել Միջգերատեսչական հանձնաժողովում ստացված առաջարկները:
ԱՌԱՋԱՐԿՈՒԹՅՈՒՆ
Վաղարշյան և Փափազյան փողոցների երթևեկության
կազմակերպման փոփոխության վերաբերյալ
ՀՀ ոստիկանության Ճանապարհային ոստիկանության ծառայողների կողմից կատարված ուսումնասիրությունների արդյունքում պարզվել է, որ Երևան քաղաքի Վրացական փողոցի Մամիկոնյանց փողոցի և Կոմիտասի պողոտայի հատվածում հաճախակի են տեղի ունենում տրանսպորտային միջոցների խցանումներ, որից խուսափելու համար Ճանապարհային ոստիկանությունն առաջարկում է տվյալ փողոցի նշված հատվածում երթևեկությունը կազմակերպել միակողմանի՝ Մամիկոնյանց փողոցից դեպի Կոմիտասի պողոտա ուղղությամբ:
Կից ներկայացվում են նշված փողոցի գործող և առաջարկվող երթևեկության կազմակերպման սխեմաները: