Օպերատիվ շտաբի նիստ (ՏԵՍԱՆՅՈՒԹ)

Մարտի 27-ին տեղի ունեցավ Ազգային Ժողովի ընտրությունների ընթացքում պատշաճ կարգ ու կանոն հաստատելու, ընտրությունների բնականոն ընթացքն ապահովելու նպատակով ոստիկանությունում ստեղծված օպերատիվ շտաբի հերթական նիստը, որը վարում էր օպերատիվ շտաբի պետ, ոստիկանության պետի առաջին տեղակալ, ոստիկանության գեներալ-լեյտենանտ Հունան Պողոսյանը:
Քննարկվեցին քարոզարշավի և բուն ընտրությունների ընթացքում ոստիկանական ծառայության խնդիրները, զանգվածային միջոցառումների ժամանակ հասարակական կարգի ապահովման ընթացակարգերը, ընտրացուցակների կատարելագործման արդյունքները և այլ պլանային հարցեր:
Կատարված աշխատանքները ներկայացրին օպերատիվ շտաբի աշխատանքային խմբերի ղեկավարները:
Նիստի ավարտին Հունան Պողոսյանը համապատասխան ցուցումներ տվեց մասնակիցներին: