Ոստիկանները բացահայտել են ավտոմասերի գողությունը

Հունիսի 27-ին, ժամը 07.35-ին, ոստիկանություն է զանգահարել Շիրակի մարզի մի բնակիչ և հայտնել, որ գիշերը տեխնիկական միջոցների գործադրմամբ բացել են Ներքին Շենգավիթի 9-րդ փողոցում կայանված իր «ՎԱԶ-2106» մեքենայի շարժիչի ծածկոցը և գողացել մարտկոցը:
Մեկնել էր ոստիկանության Շենգավիթի բաժնի օպերատիվ խումբը:
Բաժնի քրեական հետախույզների ձեռնարկած միջոցառումների շնորհիվ պարզվել է, որ գողությունը կատարել է Ներքին Շենգավիթի բնակիչ, 29-ամյա մի տղամարդ: Հուլիսի 1-ին նա բերման է ենթարկվել բաժին և տվել խոստովանական բացատրություն՝ հավելելով, որ Շենգավիթ վարչական շրջանի տարբեր հատվածներից կատարել է այլ գողություններ ևս:
Ձեռնարկվում են միջոցառումներ տուժողներին հայտնաբերելու ուղղությամբ:
Նախապատրաստվում են նյութեր: