Ընդունելություն ՀՀ ոստիկանությունում (ՏԵՍԱՆՅՈՒԹ)
![Ընդունելություն ՀՀ ոստիկանությունում (ՏԵՍԱՆՅՈՒԹ) Ընդունելություն ՀՀ ոստիկանությունում (ՏԵՍԱՆՅՈՒԹ)](/timthumb?src=/resources/police/img/news/big/1489505309,4054.jpeg&q=75&w=780&wm=1)
Մարտի 14-ին ոստիկանության շտաբի պետ, ոստիկանության գնդապետ Հովհաննես Քոչարյանն ընդունեց ԵԱՀԿ/ԺՀՄԻԳ ընտրությունների դիտորդական առաքելության իրավական հարցերով խորհրդատու Քսենիա Դաշուտինային:
Հովհաննես Քոչարյանը հյուրերին հակիրճ ներկայացրեց ՀՀ ոստիկանության խնդրիներն ու գործառույթները Ազգային ժողովի առաջիկա ընտրությունների ընթացքում, ինչպես և «Ընտրությունների ժամանակ ոստիկանության գործողությունների ուղեցույցը»:
Շնորհակալություն հայտնելով ջերմ ընդունելության համար՝ տիկին Դաշուտինան մի շարք հարցադրումներ ներկայացրեց կապված նախընտրական շրջանում արձանագրված իրավախախտումների և դրանց քննության գործող մեխանիզմների վերաբերյալ, ինչի մասին տրվեցին սպառիչ պատասխաններ:
Հովհաննես Քոչարյանը հավաստիացրեց, որ ոստիկանությունը օրենքով վերապահված լիազորությունների շրջանակում կձեռնարկի բոլոր միջոցները իրավախախտումները բացառելու, օրենքի գերակայությունն ապահովելու, քաղաքացիների իրավունքները պաշտպանելու համար:
Հանդիպմանը քննարկվեցին փոխադարձ հետաքրքրություն ներկայացնող այլ հարցեր ևս: