Ոստիկանությունում կայացավ Skype-ի միջոցով հերթական ուղիղ կապը մեր հայրենակիցների հետ (ՏԵՍԱՆՅՈՒԹ)

Մայիսի 10-ին մեր հայրենակիցները Skype-ի միջոցով իրենց հետաքրքրող հարցերն ուղղեցին ոստիկանության անձնագրային և վիզաների վարչության պետ Մնացական Բիչախչյանին:
Հայաստանից զանգահարած Ռուսատանի քաղաքացին տեղեկացրել է, որ փետրվարի սկզբին դիմել է Հայաստանի քաղաքացիություն ստանալու համար, սակայն դեռ տեղեկություն չունի ընթացքի վերաբերյալ: Նա տեղեկացրել է նաև, որ փաստաթղթերը հանձնելիս լրացրել է նաև բջջային հեռախոսահամարը:
Զանգահարողի անհատական տվյալների ստուգմամբ պարզվել է, որ նրա հեռախոսահամարին դիմումի ընթացքի վերաբերյալ ուղարկվել է SMS հաղորդագրություն առ այն, որ դիմումը մուտքագրվել է վարչություն, այնուհետև ուղարկվել ՀՀ նախագահի աշխատակազմ: Վերջնական պատասխանի դեպքում նույնպես կտեղեկացվի հաղորդագրությամբ: Ինչ վերաբերում է ժամկետներին, ապա քաղաքացիության վերաբերյալ հարցերը ներկայումս լուծվում են 6-ամսյա ժամկետում, նախկին 1 տարվա փոխարեն:
Օտարերկրյա պետությունից զանգահարած քաղաքացին հայտնել է, որ 8 տարուց ավել է, ինչ մեկնել են Հայաստանից, ունեն 13 տարեկան երեխա, ում ծնվելու պահին ծնողները հանդիսացել են Հայաստանի քաղաքացիներ: Զանգահարողին հետաքրքրում է, թե կարո՞ղ է երեխան ստանալ Հայաստանի քաղաքացու անձնագիր: Պարզաբանվել է, որ Հայաստանի քաղաքացիներից ծնված երեխան հանդիսանում է Հայաստանի քաղաքացի, երեխայի անձնագիրը ստանալու համար պարտադիր չէ վերադառնալ Հայաստան և այդ գործողության համար կարող են դիմել օտարերկրյա պետությունում գտնվող Հայաստանի դիվանագիտական ծառայություն:
Հաջորդ ուղիղ կապը տեղի կունենա մայիսի 17-ին՝ Երեւանի ժամանակով ժամը 11-ից 13-ը:
ՀՀ ոստիկանության սկայպի հասցեն` Armenian Police
Հարցեր կարելի է ուղարկել նաև press@police.am, dimum@police.am էլեկտրոնային հասցեներին: