Ոստիկանությունում կայացավ Skype-ի միջոցով հերթական ուղիղ կապը մեր հայրենակիցների հետ (ՏԵՍԱՆՅՈՒԹ)
12.07.2016 19:36
Համակարգի լրատու
![Ոստիկանությունում կայացավ Skype-ի միջոցով հերթական ուղիղ կապը մեր հայրենակիցների հետ (ՏԵՍԱՆՅՈՒԹ) Ոստիկանությունում կայացավ Skype-ի միջոցով հերթական ուղիղ կապը մեր հայրենակիցների հետ (ՏԵՍԱՆՅՈՒԹ)](/timthumb?src=/resources/police/img/news/big/1468338021,4631.jpeg&q=75&w=780&wm=1)
Հուլիսի 12-ին մեր հայրենակիցները Skype-ի միջոցով իրենց հետաքրքրող հարցերն ուղղեցին ոստիկանության անձնագրային և վիզաների վարչության պետ Մնացական Բիչախչյանին:
Զանգահարել է Հայաստանում գտնվող քաղաքացին և տեղեկացրել, որ ծնվել է Ռուսատանի Դաշնությունում: Նշված պետության իրավասու մարմնի կողմից տրված ծննդյան վկայականի հիման վրա ժամանակին ստացել է ՀՀ քաղաքացու անձնագիր: Քաղաքացու պնդմամբ՝ անձնագրում ազգանունը նշվել է սխալ, ինչը խնդիրներ է առաջացնում Ռուսաստանում՝ նշված պետության քաղաքացիություն ձեռք բերելու հարցում: Պարզաբանվել է գործող կարգը, համաձայն որի անձնագիրը կարող է փոխանակվել անճշտության հիմքով՝ ներկայացնելով անճշտությունը հիմավորող փաստաթղթերը: Տվյալ դեպքում անհրաժեշտ է ներայացնել ծննդյան վկայականը, որպեսզի հնարավոր լինի պարզել առկա խնդիրը:
Զանգահարել է օտարերկյա պետությունում գտվող քաղաքացին և տեղեկացրել, որ ցանկանում է ստանալ տեղեկանք իր քաղաքացիության վերաբերյալ: Արդյոք հնարավոր է այն ստանալ անձնագրային և վիզաների վարչությունից առանց Հայաստանի Հանրապետություն ներկայանալու: Պարզաբանվել է գործող կարգը, համաձայն որի՝ նշված տեղեկանքը ստանալու համար քաղաքացին կարող է դիմել անձամբ կամ լիազորված անձի միջոցով: Գործող կարգի համաձայն՝ օտարերկրյա պետությունում գտվելու դեպքում անձը կարող է դիմել նաև ՀՀ դիվանագիտական ծառայությանը:
Հաջորդ ուղիղ կապը տեղի կունենա օգոստոսի 2-ին՝ Երեւանի ժամանակով ժամը 11-ից 13-ը:
ՀՀ ոստիկանության սկայպի հասցեն` Armenian Police
Հարցեր կարելի է ուղարկել նաև press@police.am, dimum@police.am էլեկտրոնային հասցեներին:
![](/images/Skype-nor.jpg)