Skype-ի միջոցով ոստիկանություն դիմած արտերկրի մեր հայրենակիցների հարցերը տարաբնույթ էին. դրանց տրվեցին սպառիչ պատասխաններ (ՏԵՍԱՆՅՈՒԹ)
![Skype-ի միջոցով ոստիկանություն դիմած արտերկրի մեր հայրենակիցների հարցերը տարաբնույթ էին. դրանց տրվեցին սպառիչ պատասխաններ (ՏԵՍԱՆՅՈՒԹ) Skype-ի միջոցով ոստիկանություն դիմած արտերկրի մեր հայրենակիցների հարցերը տարաբնույթ էին. դրանց տրվեցին սպառիչ պատասխաններ (ՏԵՍԱՆՅՈՒԹ)](/timthumb?src=/resources/police/img/news/big/1413351606,6194.jpeg&q=75&w=780&wm=1)
Հոկտեմբերի 14-ին արտերկրի մեր հայրենակիցները հերթական անգամ Skype-ի միջոցով իրենց հետաքրքրող հարցերն ուղղեցին ոստիկանության անձնագրային եւ վիզաների վարչության կազմակերպական-հսկողական բաժնի պետ, ոստիկանության փոխգնդապետ Մնացական Բիչախչյանին:
ՀՀ քաղաքացու անձնագրի փոխանակման, առանց սեփականատիրոջ համաձայնության՝ հաշվառելու եւ հաշվառումից հանելու կարգը պարզաբանվեց Ամերիկայի Միացյալ Նահանգներում բնակվող ՀՀ քաղաքացուն:
Ռուսաստանի Դաշնությունում բնակվող մեր քաղաքացին ուզում էր տեղեկանալ ըստ բնակության վայրի հաշվառման կարգի մասին. նա ցանկանում էր դուրս գրվել Հայաստանի Հանրապետությունում հաշվառումից եւ գրանցվել Ռուսաստանի Դաշնությունում մշտական բնակության հասցեով: Նրան մանրամասն պարզաբանվեց գործող կարգը:
Կացության կարգավիճակ տրամադրելու կարգը պարզաբանվեց Ռուսաստանի Դաշնության քաղաքացի մեր մեկ այլ հայրենակցի:
Հաջորդ հարցն ուղղողը Վրաստանի քաղաքացի էր: Նա տասներեք տարի բնակվել է Հայաստանում եւ այժմ ցանկանում էր ստանալ Հայաստանի Հանրապետության քաղաքացիություն: Նրան պարզաբանվեց ՀՀ քաղաքացիություն ստանալու կարգը:
Հարցերը տարաբնույթ էին. դրանց տրվեցին սպառիչ պատասխաններ:
Հաջորդ ուղիղ կապը տեղի կունենա հոկտեմբերի 21-ին՝ Երեւանի ժամանակով ժամը 10-ից 12-ը:
Հիշեցնենք, որ մեր հայրենակիցները Skype-ի միջոցով կարող են հարցեր ուղղել ոստիկանության ներկայացուցչին, մասնավորապես, ՀՀ քաղաքացիություն ստանալու, քաղաքացիությունը դադարեցնելու, ՀՀ քաղաքացու անձնագիր և նույնականացման քարտ ստանալու, փոխանակելու, ըստ բնակության վայրի հաշվառվելու, կացության կարգավիճակ ստանալու, ինչպես նաև անձնագրային և վիզաների վարչության գործառույթներին առնչվող այլ հարցերի վերաբերյալ:
ՀՀ ոստիկանության սկայպի հասցեն` Armenian Police
Հարցեր կարելի է ուղարկել նաև press@police.am, qartugharutyun@police.am էլեկտրոնային հասցեներին: