Այսօր Skype-ի միջոցով հերթական անգամ պարզաբանվեցին արտերկրի մեր հայրենակիցներին հետաքրքրող հարցերը (ՏԵՍԱՆՅՈՒԹ)

Հարցերը հիմնականում վերաբերում էին ՀՀ քաղաքացիություն եւ  Հայաստանի Հանրապետությունում կացության կարգավիճակ ստանալու կարգերին:

Ուկրաինայում բնակվող մեր հայրենակիցը, որ որոշել է մշտական բնակության տեղափոխվել Հայաստան, ցանկանում էր  իմանալ ՀՀ քաղաքացիություն ստանալու կարգը, ինչը նրան պարզաբանվեց:

Լիբանանում բնակվող մեր մեկ այլ  հայրենակցի հետաքրքրում էր երեխայի համար ՀՀ քաղաքացու անձնագիր ստանալու կարգը, եթե ծնողներից մեկը ՀՀ քաղաքացի է: Նրան նույնպես սպառիչ պատասխան տրվեց:

Մոսկվայում գտնվող ՀՀ քաղաքացուն հետաքրքրում էր իր քաղաքացիության վերաբերյալ Ռուսաստանի իշխանություններին հայտնելու կարգը, ինչը եւ պարզաբանվեց:

Ոստիկանության ներկայացուցչին հաջորդ դիմողը Ռուսաստանի քաղաքացի էր, որն այժմ գտնվում է Հայաստանում: Նրան հետաքրքրում էր կացության կարգավիճակ ստանալուց հետո  բնակչության պետռեգիստրում հաշվառվելու կարգը:

 

Արտերկրի մեր հայրենակիցների հետ սկայպի միջոցով  հաջորդ ուղիղ կապը հոկտեմբերի 14-ին է: 

 

Հիշեցնենք, որ մեր հայրենակիցները Skype-ի միջոցով կարող են հարցեր ուղղել ոստիկանության ներկայացուցչին, մասնավորապես, ՀՀ քաղաքացիություն ստանալու, քաղաքացիությունը դադարեցնելու, ՀՀ քաղաքացու անձնագիր և նույնականացման քարտ ստանալու, փոխանակելու, ըստ բնակության վայրի հաշվառվելու, կացության կարգավիճակ ստանալու, ինչպես նաև անձնագրային և վիզաների վարչության գործառույթներին առնչվող այլ հարցերի վերաբերյալ:

 

ՀՀ ոստիկանության սկայպի հասցեն` Armenian Police

 

Հարցեր կարելի է ուղարկել նաև press@police.am, qartugharutyun@police.am էլեկտրոնային հասցեներին: