Վիճաբանության ժամանակ դանակահարել էր եղբորը

Օգոստոսի 7-ին, ժամը 11-ին, ՆԳՆ ոստիկանության օպերատիվ կառավարման կենտրոն «Աստղիկ» բժշկական կենտրոնից հաղորդում է ստացվել, որ շտապօգնության խումբը Երևանի Արարատյան 1-ին զանգվածի շենքերից մեկի մի բնակարանից բուժօգնության է տեղափոխել կտրած-ծակած վնասվածքներով 58-ամյա տղամարդու:
Ոստիկանության Մալաթիայի բաժնի համայնքային ոստիկանների ձեռնարկած միջոցառումների արդյունքում պարզվել է, որ տանը կենցաղային հարցերի շուրջ ծագած վիճաբանության ժամանակ 58-ամյա տղամարդուն դանակով մի քանի հարվածներ էր հասցրել նույն հասցեում բնակվող 54-ամյա եղբայրը: Նա ձերբակալվել և տեղափոխվել է ոստիկանության Մալաթիայի բաժին, այնուհետև կազմված փաստաթղթերի հետ ներկայացվել քննչական բաժին:
Կատարվում է նախաքննություն: