Բերման էր ենթարկվել բնակարանային գողության փորձի կասկածանքով․ Սպիտակի ոստիկանների բացահայտումը

Ոստիկանության Սպիտակի բաժնում տեղեկություններ էին ստացվել, որ Լոռու մարզի Շիրակամուտ գյուղի 45-ամյա մի բնակիչ համագյուղացու տնից փորձել է գողություն անել։ Ձեռք բերված տեղեկությունների իսկությունը ստուգելուց հետո հունվարի 26-ին կասկածվողը բերման ենթարկվեց ոստիկանության Սպիտակի բաժին:
Պարզվել է, որ նա, օգտվելով այն հանգամանքից, որ տանտերերն արտասահմանում են, կացնով կոտրել էր Շիրակամուտ գյուղի տներից մեկի պատուհանը, մտել ներս, սակայն գողանալու հարմար բան չգտնելով՝ հեռացել էր։
45-ամյա տղամարդը տվել է խոստովանական բացատրություն։
Հանգամանքները պարզվում են:
Փաստի առթիվ նախապատրաստվում են նյութեր: