Սրճեփ սարքերից գողություններ էր արել ու բռնվել. Հրազդանի ոստիկանների բացահայտումը

Դեկտեմբերի 2-ին ոստիկանության Հրազդանի բաժնի ԱԳ և ԸԲԿԲ ծառայողներն ու համայնքային ոստիկանները գողության դեպքեր բացահայտեցին: Օպերատիվ տվյալներն իրացնելով` ժամը 21-ի սահմաններում մայրաքաղաքի Շենգավիթ համայնքից Հրազդանի բաժին բերման ենթարկեցին Դաշտավան գյուղի 63-ամյա մի բնակչի, «Մերսեդես» մակնիշի իր մեքենայով հանդերձ:
Պարզվեց` նա Հրազդան քաղաքի Միկրոշրջան թաղամասում կոտրել էր երկու խանութների մոտ տեղադրված սրճեփ սարքերն ու փող գողացել: Րոպեների տարբերությամբ՝ նույն թաղամասում երրորդ սրճեփ սարքից էլ էր փորձել գողություն անել, բայց գործն ավարտին հասցնել չէր կարողացել:
Բերման ենթարկված տղամարդը տվել է խոստովանական բացատրություն: Տուժողներից ընդունվել է հաղորդում:
Քննությունը շարունակվում է: