Կոտրել էր սրճեփ սարքի դրամապահոցը և մի քանի տասնյակ հազար դրամ գողացել․ կասկածվողը հայտնաբերվել է

Հուլիսի 11-ին ոստիկանության Մուշի բաժին հաղորդում էր ստացվել, որ գիշերը տեխնիկական միջոցների գործադրմամբ կոտրել են Գյումրու Սևակի փողոցի սրճեփ սարքի մետաղադրամների պահոցը և փող գողացել:
Դեպքի վայր է մեկնել ոստիկանության օպերատիվ խումբ։
Նյութերի նախապատրաստման ընթացքում Մուշի ոստիկանության քրեական հետախույզները օպերատիվ-հետախուզական միջոցառումների շնորհիվ պարզեցին գողությունը կատարած անձի ինքնությունը։ Հուլիսի 13-ին, գողությունը կատարելու կասկածանքով, 21-ամյա երիտասարդը բերման ենթարկվեց Մուշի բաժին: Նա խոստովանել է, որ հուլիսի 11-ին, ժամը 01.30-ի սահմաններում, սրճեփ սարքի դրամապահոցից փողը գողացել ու ծախսել է:
Դեպքի հանգամանքները պարզվում են։
Քննությունը շարունակվում է։