Սրճեփ սարքից գողությունը կանխվեց

Փետրվարի 20-ին, ժամը 00.30-ի սահմաններում, ոստիկանության ՊՊԳՎ Գյումրիի պահպանության բաժնի ծառայողները Գյումրիի Շիրազի փողոցում սրճեփ ապարատի մոտ նկատել են երկու տղամարդու, որոնք տեսնելով ոստիկաններին՝ դիմել են փախուստի:
Ոստիկանության Կումայրիի բաժնի ծառայողների հետ համատեղ ձեռնարկած միջոցառումների շնորհիվ այդ անձինք հայտնաբերվել և բերման են ենթարկվել Կումայրիի բաժին, որտեղ խոստովանել են, որ սրճեփ սարքը տեխնիկական միջոցների գործադրմամբ կոտրելու միջոցով փորձել են գողանալ գանձանակը, սակայն նկատելով ոստիկաններին՝ հանցագործությունն ավարտին չեն հասցրել:
Վնասի չափը պարզվում է:
Նախապատրաստվում են նյութեր: