Ստեփանավանի ոստիկանները ապօրինի ծառահատման հերթական դեպքն են բացահայտել

Բնապահպանական ոլորտի իրավախախտումներ հայտնաբերելու և կանխարգելելու նպատակով սեպտեմբերի 3-ին, ժամը 22.30-ի սահմաններում, ոստիկանության Ստեփանավանի բաժնի ծառայողները Գարգառ-Վանաձոր ճանապարհին ստուգել են Մարց գյուղի 30-ամյա բնակչի փայտանյութով բեռնված «Ֆորդ Տրանզիտ» մակնիշի մեքենան:
Մեքենայի վարորդը վառելափայտի օրինականությունը վկայող փաստաթուղթ չի ներկայացրել, հայտնել է, որ երկու օր առաջ իրենց գյուղի անտառից բենզասղոցով հատել է կաղնի:
Նշանակվել է մասնագիտական ստուգում:
Նախապատրաստված նյութերը տարածքային ենթակայության կարգով ուղարկվել են ոստիկանության Թումանյանի բաժին: