13-ամյա դստեր կասկածները հիմնավորվեցին

11.11.2019 13:19 Գողություն

Նոյեմբերի 10-ին, ժամը 13.50-ին, Մաստարա գյուղի մի բնակչուհի զանգել է ոստիկանության Թալինի բաժին և հայտնել, թե հարևանուհին իր դրամապանակից փող է գողացել:
Մեկնած ոստիկանները պարզել են, որ ահազանգողը տան բակում գնումներ կատարելուց հետո դրամապանակը թողել է երեքամյա դստեր մոտ, որի մոտից այն վերցրել է մյուս՝ 13-ամյա դուստրը: Տեսնելով, որ դրամապանակից բացակայում է 80 հազար դրամ՝ նա մորը հայտնել է, թե մինչև իր վերցնելը դրամապանակը եղել է հարևանուհու ձեռքին:
Քրեական հետախույզները կասկածանքով բերման են ենթարկել հարևանուհուն: Խուզարկության ժամանակ նա ներկայացրել է 20 հազարանոց չորս թղթադրամ և հայտնել, որ դրանք գողացել է հիշյալ դրամապանակից:
Նախապատրաստվում են նյութեր:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

13-ամյա դստեր կասկածները հիմնավորվեցին

ՀԻՄՆԱԿԱՆ