Թալինի ոստիկանները խուզարկությամբ ապօրինի զենք-զինամթերք են հայտնաբերել և առգրավել

Բնակչության մոտ ապօրինի պահվող զենք-զինամթերքի հայտնաբերման և առգրավման շրջանակներում իրականացված միջոցառումներով Թալինի ոստիկանները տեղեկություններ ստացան, որ Արագածավան գյուղի բնակիրներից մեկը հրազեն է պահում։ Հարուցվեց քրեական գործ և, դատարանի որոշմամբ, բնակչի տունն ու օժանդակ շինությունները խուզարկվեցին։ Հայտնաբերվեց և առգրավվեց գործարանային համարով երկփողանի հրացան, տարբեր հրազանների և տրամաչափի փամփուշտներ ու 13 սմ երկարությամբ շեղբով դանակ։ Հայտնաբերվածն ուղարկվել է փորձաքննության։ Հարուցված քրեական գործի նախաքննությունը շարունակվում է։