Թմրանյութի հետքով Տարոնի ոստիկաններին հասցրեց Վարդաբլուր

Ոստիկանության Վանաձոր քաղաքի Տարոնի բաժնի ծառայողները Տաշիրի խճուղուց կասկածանքով բերման էին ենթարկել Արջուտ գյուղի բնակիչ, 19-ամյա մի երիտասարդի: Նրա անձնական խուզարկությամբ հայտնաբերվել էր երկու կռփազենք` շեղբով, նաև թմրանյութի նմանվող զանգվածներով թղթե երեք փաթեթ: Նա հայտնել էր, որ փաթեթներում, իսկապես, թմրանյութ է:
Ձեռնարկվել են օպերատիվ-հետախուզական միջոցառումներ, որոնց արդյունքում պարզվել է, որ երիտասարդը թմրայութը ձեռք է բերել Կուրթան գյուղի 25-ամյա մի բնակչից: Նույն օրը կուրթանցին հայտնաբերվում է Վարդաբլուր գյուղում և կասկածանքով բերման ենթարկվում Տարոնի բաժին: Այստեղ տարված բացատրական աշխատանքի արդյունքում նա տալիս է խոստովանական բացատրություն:
Հանգամանքները պարզվում են: