Ոստիկանության Տարոնի բաժնի ծառայողների բացահայտումները

***

Սեպտեմբերի 9-ին օպերատիվ կառավարման կենտրոնից ոտիկանության Տարոնի բաժնում հաղորդում էր ստացվել, որ Վանաձոր քաղաքի Տարոնի 4-րդ թաղամասում գտնվող խանութներից մեկում, գնումներ կատարելու ժամանակ, անհայտ անձը` օգտվելով հաճախորդի անուշադրությունից, գողացել է նրա պայուսակը:
Սեպտեմբերի 13-ին քրեական հետախույզները պարզել են, որ նշված գողությունը կատարել է Վանաձորի Տիգրան Մեծի պողոտայի 57-ամյա մի բնակչուհի: Նա ժամը 17-ի սահմաններում հրավիրվել է բաժին և տվել խոստովական բացատրություն:
Հանգամանքները պարզվում են:
Նախապատրաստվում են նյութեր:

***

Սեպտեմբերի 10-ի առավոտյան ոստիկանության Տարոնի բաժնում մի քաղաքացուց ահազանգ է ստացվել, որ կոտրել են Վանաձորի Երկաթուղայինների փողոցում գտնվող իր ավտոտնակի դռան փականը, գողացել աշխատանքային գործիքներ ու երկու հեծանիվ:
Սեպտեմբերի 13-ին, ստացված տեղեկություններն իրացնելով քրեական հետախույզները, նշված գողությունը կատարելու կասկածանքով բաժին են հրավիրել Վանաձորի Կարեն Դեմիրճյանի փողոցի 30-ամյա մի բնակչի:
Նա տվել է խոստովանական բացատրություն:
Գողոնը հայտնաբերվել է:
Նախապատրաստվում են նյութեր: