Ստեփանավանի համայնքային ոստիկանները հայտնաբերել են մարիխուանա

Ստեփանավանի համայնքային ոստիկանները ստացել էին հավաստի տեղեկություն, որ 4-րդ միկրոշրջան թաղամասի բնակիչ, 34-ամյա մի տղամարդ աճեցրել ու պահում է թմրամիջոց: Փետրվարի 5-ին տղամարդը բերման է ենթարկվել բաժին, որտեղ էլ տվել է խոստովանական բացատրություն: Նյութերի նախապատրաստման ընթացքում, նրա նկուղում կատարված զննության ժամանակ, նա ներկայացրել է տարբեր տարողության ապակյա չորս տարա և մետաղապլաստե խողովակ, որոնց մեջ ընդհանուր 342 գրամ դեղնականաչավուն զանգված էր: Տանտերը հայտնել է, որ հողամասում իր աճեցրած կանեփի տերևներից ստացած մարիխուանա թմրամիջոցը պահել էր անձնական օգտագործման համար: Նա ներկայացրել է նաև 9 թղթե փաթեթ` կանեփի սերմով:
Նշանակվել է փորձաքննություն, հանգամանքները պարզվում են: