Ոստիկանություն բերման ենթարկվածի մոտից տարբեր տեսակի թմրամիջոց է հայտնաբերվել

Ապրիլի 27-ին ոստիկանության Արաբկիրի բաժնի քրեական հետախույզները Կոմիտասի պողոտայից, թմրանյութ պահելու և օգտագործելու կասկածանքով, ոստիկանություն բերման են ենթարկել Նոր Հաճընի 34-ամյա բնակչի։
Նրա անձնական խուզարկությամբ հայտնաբերվեց սպիտակ փոշու զանգվածով 2 փաթեթ, բյուրեղանման սպիտակ զանգվածով տարա, թղթե փաթեթով դեղնականաչավուն 4 զանգված։
Ըստ բերման ենթարկվածի՝ հայտնաբերվածը ամֆետամին և մարիխուանա թմրանյութեր են, որոնք գնել է համացանցով՝ բջջային հավելվածի օգնությամբ։
Նշանակվել են դատաքիմիական փորձաքննություններ:
Նորհաճընցի 34-ամյա բնակիչը ձերբակալվել է:
Հանգամանքները պարզվում են:
Կատարվում է քննություն։