Խուզարկությամբ թմրամիջոցներ ու ռազմամթերք է հայտնաբերվել․ ոստիկանության բացահայտումը

Ստացված օպերատիվ տվյալներն իրացնելիս՝ ՔՈԳՎ ԹԱՇԴՊ վարչության ծառայողները, համագործակցելով ՊԵԿ ՄԴՊ վարչության օպերատիվ հետախուզության բաժնի և ոստիկանության Շենգավիթի բաժնի ծառայողների հետ, մայիսի 19-ին Տիգրան Մեծի պողոտայում հայտնաբերեցին ու Շենգավիթի բաժին բերման ենթարկեցին մայրաքաղաքում բնակվող երկու երիտասարդի, երկուսն էլ՝ 27 տարեկան։ Նրանցից մեկի խուզարկությամբ հայտնաբերվեց մարիխուանայի և «a-PVP» տեսակի թմրամիջոցի նմանվող բյուրեղանման զանգված՝ 180 գրամ քաշով։ ՊԵԿ քննչական վարչությունում հարուցվեց քրեական գործ, որի շրջանակներում խուզարկվեց նրանցից մեկի բնակարանը։ Իրավապահները հայտնաբերեցին «Ֆ-1», տիպի նռնակ, կանեփի թփեր և այլն։ Երիտասարդներին մեղադրանք է առաջադրվել։ Նրանք կալանավորվել են։ Հարուցված քրեական գործի նախաքննությունը շարունակվում է։