Երիտասարդը զբաղվում էր ապօրինի թմրաշրջանառությամբ․ Նոր Նորքի ոստիկանների բացահայտումը

Ապօրինի թմրամիջոց պահելու, իրացնելու և օգտագործելու հիմնավոր կասկածանքով դեկտեմբերի 16-ին Նոր Նորքի համայնքային ոստիկանները ձերբակալել և բաժին են տեղափոխել 26-ամյա մի երիտասարդի։
Անձնական խուզարկությամբ նրա մոտ հայտնաբերվել է ընդհանուր 58 գրամից ավելի դեղնականաչավուն զանգվածով 26 փաթեթ:
Երիտասարդը հայտել է, որ հայտնաբերվածը մարիխուանա է, իրացնելու նպատակով ձեռք է բերել համացանցի միջոցով։ Հայտնել է նաև, որ 10 փաթեթ արդեն իսկ տեղադրել է մայրաքաղաքի թաղամասերից մեկում։
Ավան և Նոր Նորք վարչական շրջանների քննչական բաժնում նախաձեռնվել է քրեական վարույթ։
Դեպքի վայրի զննության ժամանակ երիտասարդը ցույց է տվել տեղադրված փաթեթների թաքստոցները։
Կատարվում է նախաքննություն։