Ոստիկաններն ապօրինի թմրաշրջանառության հերթական դեպքն են բացահայտել (ՏԵՍԱՆՅՈՒԹ)

Ոստիկանությունը շարունակում է թմրանյութերի օգտագործման և անօրինական շրջանառության դեմ հետևողական պայքարը: Իսկ նման դեպքերի բացահայտումը երբեմն ոչ միայն մասնագիտական հմտություն է պահանջում, այլև ոստիկանության տարբեր ստորաբաժանումների համագործակցություն:
Հենց այդպիսի փոխգործակցության շնորհիվ օրերս ոստիկաններն ապօրինի թմրամիջոց պահելու և օգտագործելու հերթական դեպքը բացահայտեցին:
Հունիսի 25-ին ոստիկանության քրեական հետախուզության գլխավոր վարչության և Շենգավիթի բաժնի ծառայողները, ստացված տեղեկություններն իրացնելով, զննություն կատարեցին Երևանի Օդանավակայանի փողոցի տներից մեկի բակում: Տանտիրուհին ոստիկաններին ներկայացրեց տնից ոչ հեռու ցանված և մշակված կանեփի 7 բույս և հայտնեց, որ դրանք ցանել և մշակել է իր 32-ամյա որդին:
Հանգամանքները պարզվում են:
Հայտնաբերված կանեփի թփերը վերցվել, փաթեթավորվել և կնիքվել են:
Նշանակվել է դատաքիմիական փորձաքննություն:
Քննությունը շարունկվում է: