Աշտարակի ոստիկանները թմրանյութ պահելու դեպք են բացահայտել

Ապօրինի թմրանյութ պահելու և օգտագործելու հիմնավոր կասկածանքով Աշտարակի համայնքային ոստիկանները դեկտեմբերի 24-ի առավոտյան ձերբակալել և բաժին են տեղափոխել 61-ամյա տղամարդու։
Անձնական խուզարկությամբ նրա մոտ հայտնաբերվել են դեղնականաչավուն զանգվածով փաթեթներ և կանեփի սերմեր։
Տղամարդը հայտնել է, որ հայտնաբերվածը մարիխուանա է, պատրաստել է անձնական օգտագործման համար։
Նախաձեռնվել է քրեական վարույթ։
Վարույթի շրջանակում տղամարդու տանը կատարված խուզարկությամբ հայտնաբերվել են 100 գրամ դեղնականաչավուն զանգված և կանեփի 6 բույս։
Կատարվում է նախաքննություն։