Փաթեթներով թմրամիջոց տեղադրող երիտասարդը կալանավորվեց. Արաբկիրի համայնքային ոստիկանների բացահայտումը
Համայնքային ոստիկանության Արաբկիրի բաժնի ծառայողները ստացած օպերատիվ տեղեկությունն իրացնելիս սեպտեմբերի 13-ին` գիշերվա ժամը 3.30-ի սահմաններում, մայրաքաղաքի Կոմիտասի պողոտայում ձերբակալեցին երևանցի 24-ամյա երիտասարդի, կասկածանքը՝ թմրամիջոցի իրացում:
Բաժնում կատարված խուզարկությամբ երիտասարդի մոտ հայտնաբերվեց ժապավենով 10 փաթեթ` լցված ընդհանուր մոտ 18 գրամ դեղնականաչավուն զանգվածներով, նաև` գաղտնի փականով դանակ:
Երիտասարդն ու կազմված փաստաթղթերը ներկայացվել են Արաբկիր վարչական շրջանի քննչական բաժին:
Նա կալանավորվել է: Նախաքննությամբ հանգամանքները պարզվում են:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
