Երիտասարդի մոտ տարբեր թմրամիջոցներ և դանակներ են հայտնաբերվել
02.09.2024 14:01
Արձանագրված դեպքեր
![Երիտասարդի մոտ տարբեր թմրամիջոցներ և դանակներ են հայտնաբերվել Երիտասարդի մոտ տարբեր թմրամիջոցներ և դանակներ են հայտնաբերվել](/timthumb?src=/resources/police/img/news/big/1725271324-9254.jpeg&q=75&w=780&wm=1)
ՆԳՆ ոստիկանության ՊԾ Երևանի գնդի 4-րդ գումարտակի պարեկները գիշերվա ժամը 2.55-ին Մազմանյան փողոցում հայտնաբերել, ապօրինի թմրամիջոց ձեռք բերելու և պահելու, ինչպես նաև սառը զենք կրելու հիմնավոր կասկածով ձերբակալել և ոստիկանության Մաշտոցի բաժին են տարել նույն փողոցի բնակիչ 25-ամյա մի երիտասարդի: Անձնական խուզարկությամբ նրա մոտ հայտնաբերվել են 3,46 գրամ դեղնականաչավուն զանգված, 0,65 գրամ դարչնագույն փոշենման զանգված, 2,39 գրամ սպիտակ բյուրեղանման զանգված, դեղնականաչավուն և բյուրեղանման զանգվածով ապակե գլանակ և չորս դանակ:
Կազմված փաստաթղթերը փոխանցվել են քննչական բաժին: