Ոստիկանները գողությունը բացահայտեցին հաղորդումից ժամեր անց

Մայիսի 31-ին, ժամը 19.00-ի սահմաններում օպերատիվ կառավարման կենտրոնից ոստիկանության Մաշտոցի բաժնում հաղորդում է ստացվել, որ Հասմիկի փողոցի տներից մեկի բակից քարեր են գողացել: Դեպքի վայր մեկնած օպերատիվ խումբը պարզել է, որ մայիսի 10-ից մինչև մայիսի 31-ը, բացել են նշված տան դարպասի կախովի փականը, բակից գողացել 300 հատ տուֆ:
Քրեական հետախույզների ձեռնարկած միջոցառումների շնորհիվ պարզվել է, որ նշված գողությունը կատարել է Հասրաթյան փողոցի բնակիչ Ոսկան Մ-ն: Նույն օրը ժամը 19.40-ին նա բերման է ենթարկվել ոստիկանության Մաշտոցի բաժին և տվել խոստովանական բացատրություն:
Տուժողից ընդունվել է հաղորդում: Գողոնը մասամբ հայտնաբերվել է:
Նախապատրաստվում են նյութեր:

***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: