Թումանյանի ոստիկանները ապօրինի զենք-զինամթերք են հայտնաբերել

Ապրիլի 17-ին ոստիկանության Թումանյանի բաժնի ծառայողները Թեղուտ գյուղի հարակից տարածքից, ապօրինի զենք-զինամթերք պահելու կասկածանքով, ոստիկանություն բերման ենթարկեցին Շնող գյուղի 3 բնակչի՝ նրանցից մեկի մեքենայով հանդերձ։
Մեքենայի մեջ հայտնաբերվեցին որսորդական 3 հրացան, տարբեր տրամաչափի փամփուշտներ ու դանակներ։
Նշանակվել են փորձաքննություններ։
Նախապատրաստվում են նյութեր։
Հարգելի՛ քաղաքացիներ, վերստին հիշեցնենք, որ ապօրինի զենքը կամավոր հանձնողներն ազատվում են քրեական պատասխանատվությունից, եթե նրանց գործողություններում այլ հանցակազմ չկա։