ՃՈ ուժեղացված ծառայություն Արմավիրում և Վաղարշապատում /ՏԵՍԱՆՅՈՒԹ/

ճանապարհային ոստիկանության 2-րդ սպայական գումարտակը շարունակում է պարբերական ուժեղացված ծառայությունները:
Մարտի 26-ին ճանապարհային ոստիկանության երկրորդ սպայական գումարտակի առաջին վաշտի ծառայողները ուժեղացված ծառայություն իրականացրին Վաղարշապատում և Արմավիրում:
Արդյունքում՝ ճանապարհային ոստիկանության պահպանվող հատուկ տարածք տեղափոխվեց 10 տրանսպորտային միջոց, որոնցից 3-ն առանց համարանիշի էին, իսկ մնացածը՝ այլ խախտումների համար:
Հայտնաբերվեց հողմապակու լուսաթափանցելիության չափի խախտմամբ 12 մեքենա, ևս 15 տրանսպորտային միջոցի դիմապակին թաղանթապատ էր. դրանց վարորդները տեղում վերացրեցին խախտումը:
Ուժեղացված ծառայության ընթացքում հայտնաբերվեցին նաև այլ խախտումներ: Բոլոր օրինազանց վարորդների նկատմամբ անխտիր կազմվեցին վարչական իրավախախտման վերաբերյալ արձանագրություններ:
Եվս մեկ անգամ կոչ ենք անում բոլոր վարորդներին՝ պահպանել երթևեկության կանոնները: Ճանապարհային ոստիկանությունը հետևողական է, իսկ ուժեղացված ծառայությունները շարունակական են: