«Վալտեր» ատրճանակ և փամփուշտներ՝ Երևանի Էստոնական փողոցում

Ապրիլի 1-ին, ժամը 17.20-ին, ոստիկանության Երևան քաղաքի վարչության օպերատիվ կառավարման կենտրոնից Մաշտոցի բաժնում հաղորդում է ստացվել, որ մի քաղաքացի Երևանի Էստոնական փողոցում` աղբարկղի մոտ, զենք է թողնում:
Մեկնած օպերատիվ խումբը նշված վայրում՝ տուփի մեջ, հայտնաբերել է «Վալտեր» տիպի ատրճանակ և 7.6 մմ տրամաչափի 3 փամփուշտ:
Նշանակվել է դատաձգաբանական փորձաքննություն:
Կատարվում է հետաքննություն: