ՀՀ ոստիկանությունը վարորդներին կրկին հորդորում է ցուցաբերել զգոնություն և զգուշություն և որոշ ճանապարհահատվածներից օգտվել միայն խիստ անհրաժեշտության դեպքում

ՀՀ ոստիկանությունը տեղեկացնում է, որ հունվարի 13-ին, ժամը 10:00-ի դրությամբ, հանրապետությունում առանց տեղումների եղանակ է:
Սևանից Դիլիջանի թունել տանող ճանապարհահատվածում, Սիսիան-Զանգեր հատվածում, Սիսիան-Գորիս-Շուռնուխ-Կապան ավտոճանապարհին, Մաստարա-Լանջիկ հատվածում մերկասառույց է, իսկ Վարդենյաց լեռնանցքը և Բերդ-Ճամբարակ ճանապարհահատվածը դժվարանցանելի են:
Անվտանգ երթևեկությունն ապահովելու նպատակով հանրապետության ավտոճանապարհներին իրականացվում են մաքրման աշխատանքներ, ճանապարհին մնացած ավտոմեքենաների վարորդներին ճանապարհային ոստիկանության աշխատակիցների կողմից ցուցաբերվում է օգնություն:
Վարորդներին կրկին հորդորում ենք ցուցաբերել ծայրաստիճան զգոնություն և զգուշություն, և նշված ճանապարհահատվածներից օգտվել միայն խիստ անհրաժեշտության դեպքում: