Վարդենիսի ոստիկաններն ապօրինի թմրաշրջանառության դեպքեր են բացահայտել

Թմրամոլության և անօրինական թմրաշրջանառության դեմ պայքարի հերթական դրվագներն են արձանագրել Վարդենիսի ոստիկանները: Բաժնի քրեական հետախույզները փետրվարի 16-ին Վարդենիսի Մամիկոնյան փողոցից և Գեղարքունիքի մարզի Գեղամաբակ գյուղից, թմրանյութ պահելու և օգտագործելու կասկածանքով, բաժին բերման ենթարկեցին 54 և 45 տարեկան երկու տղամարդու։ Բերման ենթարկվածների խուզարկությամբ հայտնաբերվեցին մարիխուանայի նմանվող տարբեր քաշի, ընդհանուր 7 գրամից ավելի դեղնականաչավուն, չորացված, մանրացված զանգվածներ: Բերման ենթարկվածների հայտնածով՝ թմրամիջոցը պատրաստել էին վայրաճ կանեփից՝ իրենց օգտագործման համար։
Երկու դեպքով էլ նշանակվել է դատաքիմիական փորձաքննություն: Հանգամանքները պարզվում են: