Թմրամոլության դեմ պայքարի հերթական դրվագը. Վաղարշապատի ոստիկանների համագործակցված բացահայտումը

Հուլիսի 8-ին, ժամը 19.50-ին, ուժեղացված ծառայության ընթացքում Վաղարշապատի ոստիկանները, Արմավիրի մարզային վարչության ենթակա ստորաբաժանումների ծառայողների և մարզի պարեկների հետ համատեղ, թմրամիջոց ապօրինի պահելու և օգտագործելու կասկածանքով Էջմիածին-Մարգարա ճանապարհին ձերբակալել և բաժին են տեղափոխել մայրաքաղաքի բնակիչ 33-ամյա մի երիտասարդի: Անձնական խուզարկությամբ նրա մոտ հայտնաբերվել է մոխրացած հետքերով ապակյա երկու գլանակ և թղթե երեք փաթեթ, որոնցից երկուսը՝ դեղնականաչավուն, մեկը` փաշենման զանգվածով: Ըստ երիտասարդի` դեղնականաչավունը մարիխուանա է, փոշենմանը` կրիստալ, որոնք ձեռք է բերել սոցիալական ցանցի միջոցով:
Կազմված փաստաթղթերն ուղարկվել են Վաղարշապատի քննչական բաժին, հանգամանքները պարզվում են: