Վայքի բաժնի ծառայողներն ապօրինի զինամթերք են առգրավել

Դեկտեմբերի 13-ին ոստիկանության Վայքի բաժնի ծառայողների պրոֆեսիոնալ աշխատանքի շնորհիվ ապօրինի պահվող զենք-զինամթերք առգրավվեց։ Բաժնի քրեական հետախույզները ժամը 4-ի սահմաններում Վայք քաղաքի ավտոկայանի տարածքից, «Տոյոտա Լենդ Կրաուզեր» մակնիշի մեքենայով հանդերձ, բաժին բերման ենթարկեցին երկու տղամարդու, որոնցից մեկը` Վեդիի, մյուսը Երևանի բնակիչ էր: Վեդիի 47-ամյա բնակչի անձնական խուզարկությամբ հայտնաբերվեց 5,45 մմ տրամաչափի փամփուշտ, իսկ մեքենայի զննությամբ` պահեստատուփ՝ լիցքավորված նույն տրամաչափի 30 փամփուշտով: Իրավապահները մեքենայից հայտնաբերեցին նաև 5,45 մմ տրամաչափի 66 փամփուշտ:
Նշանակվել է դատաձգաբանական փորձաքննություն: Փաստի առթիվ նախապատրաստվում են նյութեր: