Վնասվածքը անզգույշ կրակոցի հետևանք էր
![Վնասվածքը անզգույշ կրակոցի հետևանք էր Վնասվածքը անզգույշ կրակոցի հետևանք էր](/timthumb?src=/resources/police/img/news/big/1585643191-6573.jpeg&q=75&w=780&wm=1)
Մարտի 30-ին, ժամը 13.00-ին, ոստիկանության Գուգարքի բաժին հիվանդանոցից հաղորդում էր ստացվել, որ ազդրի հրազենային վնասվածքով բուժօգնության է դիմել 57-ամյա տղամարդ, որը հայտնել է, որ վնասվածքը ստացել է իրենց բակում մեքենայի վրա աշխատելիս:
Հիվանդանոց մեկնած օպերատիվ խմբին տղամարդը հայտնել է, որ վնասվածքը ստացել է որսորդական հրացանից անզգուշությամբ կրակելու հետևանքով: Հայտնել է նաև, որ հրացանը նույն օրը գտել էր տանը հարակից հանդամասից:
Դեպքի վայրի զննությամբ ոստիկանները հայտնաբերել են երկփողանի որսորդական հրացան:
Նշանակվել են փորձաքննություններ:
Նախապատրաստվում են նյութեր:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: