Արժևորվեց ոստիկանի պատասխանատու և պատվաբեր ծառայությունը. տոնական միջոցառում Սյունիքում

Ապրիլի 18-ին Սիսիանի մշակույթի տունը մարդաշատ էր․ առիթը՝ Ոստիկանության 107-րդ տարեդարձը։Հանդիսավոր միջոցառմանը ներկա էին ՆԳ նախարարության ոստիկանության, այլ ուժային կառույցների, Սյունիքի մարզային և քաղաքային իշխանության ներկայացուցիչներ, հյուրեր։
Համայնքային ոստիկանության գլխավոր վարչության մասնագիտական մեթոդական աջակցման վարչության պետ Էդգար Պետրոսյանը մասնագիտական տոնի առթիվ շնորհավորելով գործընկերներին՝ նշեց, որ նման հանդիպումներն ավելի են ամրապնդում ոստիկանություն-համայնք-հասարակություն կապը։
Ոստիկանության օրվա կապակցությամբ մի շարք ծառայողներ պարգևատրվեցին գերատեսչական մեդալներով և պատվոգրերով։
ՆԳՆ ոստիկանության մի շարք ծառայողների շնորհակալագրերով, անվանական հուշանվերներով և պատվոգրերով պարգևատրեցին նաև Համայնքային ոստիկանության Սիսիանի բաժնի պետ Հրազդան Կոստանյանը, Սյունիքի մարզպետ Ռոբերտ Ղուկասյանը, Սիսիան համայնքի ղեկավար Հովսեփ Առաքելյանը:
Միջոցառմանն իրենց ելույթներով տոնական տրամադրություն հաղորդեցին Սիսիանի Մշակույթի տան սաները։

Ներկայացվեց Ոստիկանության անցած ճանապարհը, 107-ամյա պատմության ընթացքում դժվարություններն ու ձեռքբերուները, արժևորվեց ոստիկանի բարդ ու պատասխանատու, պատվաբեր գործը։