Քաղաքացուն վրաերթի ենթարկած տղամարդը ներկայացել է ոստիկանություն
06.08.2020 11:25
ՃՏ պատահարներ
![Քաղաքացուն վրաերթի ենթարկած տղամարդը ներկայացել է ոստիկանություն Քաղաքացուն վրաերթի ենթարկած տղամարդը ներկայացել է ոստիկանություն](/timthumb?src=/resources/police/img/news/big/1596698839-8584.jpeg&q=75&w=780&wm=1)
Հուլիսի 26-ին, ժամը 13.00-ի սահմաններում, Աբովյան քաղաքի Հանրապետության փողոցում անհայտ մակնիշի ավտոմեքենայի վարորդը վրաերթի էր ենթարկել 67-ամյա քաղաքացու, որը մարմնական վնասվածքներով տեղափոխվել էր հիվանդանոց:
Ոստիկանության Կոտայքի բաժնի և ՃՈ 2-րդ սպայական գումարտակի ծառայողների ձեռնարկած միջոցառումների և բացատրական աշխատանքների շնորհիվ, օգոստոսի 5-ին բաժին է ներկայացել Երևանի բնակիչ 58-ամյա տղամարդը և հայտնել, որ հուլիսի 26-ին իր «Լեքսուս» մակնիշի ավտոմեքենայով ինքն է վրաերթի ենթարկել քաղաքացուն։
Քննությունը շարունակվում է։
`
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: