Վրաերթի ենթարկված 82-ամյա կինը հիվանդանոցում մահացել է
![Վրաերթի ենթարկված 82-ամյա կինը հիվանդանոցում մահացել է Վրաերթի ենթարկված 82-ամյա կինը հիվանդանոցում մահացել է](/timthumb?src=/resources/police/img/news/big/1581334971-5372.jpeg&q=75&w=780&wm=1)
Փետրվարի 7-ին, ժամը 19.40-ին, հիվանդանոցից հաղորդում էր ստացվել, որ իրենց մոտ բուժօգնություն է ստացել 82-ամյա Նինա Առաքելյանը, և, ըստ նրա որդու ցուցմունքի՝ մայրը վնասվածքները ստացել էր փողոցում ընկնելու հետևանքով:
Փետրվարի 7-ին, ժամը 20.00-ին, օպերատիվ տեղեկություններ են ստացվել, որ ժամը 18.30-ի սահմաններում Ալավերդի քաղաքի Սանահին-Սարահարթ 3-րդ թաղամասի շենքերից մեկի բակում «Նիսան Մուրանո» մակնիշի ավտոմեքենայի վարորդը հետընթաց կատարելիս վրաերթի է ենթարկել 82-ամյա կնոջը։
«Նիսան Մուրանոյի» 60-ամյա վարորդը հրավիրվել է ոստիկանության Թումանյանի բաժին և հայտնել, որ վրաերթը կատարել է ինքը:
Փետրվարի 7-ին, ժամը 20.55-ի սահմաններում, 82-ամյա Նինա Առաքելյանը հիվանդանոցում մահացել է:
Կատարվում է քննություն։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: