ԼՐԱՑՎԱԾ. Դսեղ գյուղում մահվան ելքով վրաերթ կատարած վարորդը հայտնաբերվել է
![ԼՐԱՑՎԱԾ. Դսեղ գյուղում մահվան ելքով վրաերթ կատարած վարորդը հայտնաբերվել է ԼՐԱՑՎԱԾ. Դսեղ գյուղում մահվան ելքով վրաերթ կատարած վարորդը հայտնաբերվել է](/timthumb?src=/resources/police/img/news/big/1607155039-1057.jpeg&q=75&w=780&wm=1)
Ոստիկանության Թումանյանի բաժնի ծառայողները, վրաերթ կատարելու կասկածանքով, դեկտեմբերի 7-ին Դսեղ գյուղի իր տնից, իր կողմից շահագործվող «ԳԱԶ-24» մակնիշի ավտոմեքենայով հանդերձ, բաժին բերման են ենթարկել 35-ամյա տղամարդու: Նա խոստովանել է, որ դեկտեմբերի 4-ին, ժամը 15.30-ի սահմաններում, իր ավտոմեքենայով Դսեղ գյուղի 5-րդ փողոցում վրաերթի է ենթարկել Ա. Թումանյանին, ինչի հետևանքով նա մահացել է, իսկ ինքը վախենալով՝ դեպքի վայրից դիմել է փախուստի:
Ավտոմեքենան տեղափոխվել է բաժնի հատուկ պահպանվող տարածք:
35-ամյա տղամարդը ներկայացվել է նախաքննական մարմնին:
Մահվան ելքով վրաերթ Դսեղ գյուղում
Դեկտեմբերի 4-ին, ժամը 16.35-ին սահմաններում, Լոռու մարզի Դսեղ գյուղում անհայտ մակնիշի ավտոմեքենայի վարորդը վրաերթի է ենթարկել 43-ամյա Անահիտ Թումանյանին, որը տեղում մահացել է: Ձեռնարկվում են միջոցառումներ՝ վրաերթ կատարած վարորդի ինքնությունը պարզելու և նրան հայտնաբերելու ուղղությամբ:
Կատարվում է քննություն։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: