Վթարված ավտոմեքենայի վարորդը հիվանդանոցում մահացել է
15.07.2020 12:30
ՃՏ պատահարներ
![Վթարված ավտոմեքենայի վարորդը հիվանդանոցում մահացել է Վթարված ավտոմեքենայի վարորդը հիվանդանոցում մահացել է](/timthumb?src=/resources/police/img/news/big/1594801899-5339.jpeg&q=75&w=780&wm=1)
Հուլիսի 10-ին, ժամը 10.30-ի սահմաններում, Եղեգնաձոր քաղաքի Ավագյան փողոցում «ՎԱԶ-217030» մակնիշի ավտոմեքենան դուրս էր եկել երթևեկելի գոտուց և հայտնվել ճամփեզրի տներից մեկի հողամասում. 54-ամյա վարորդը և 69-ամյա ուղևորուհին մարմնական վնասվածքներով տեղափոխվել էին հիվանդանոց:
Հուլիսի 14-ին ոստիկանության Եղեգնաձորի բաժնում հիվանդանոցից հաղորդում է ստացվել, որ պատահարի հետևանքով տեղափոխված տղամարդը՝ Սուքիաս Հարությունյանը, ժամը 04.00-ի սահմաններում, մահացել է:
Քննությունը շարունակվում է։
`
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: