Խանութներից գողությունները բացահայտվեցին

Օգոստոսի 13-ին ոստիկանության Արաբկիրի բաժնում հաղորդում էր ստացվել, որ դռան ապակին կոտրել ու փորձել են խանութից գողություն կատարել:
Հոկտեմբերի 12-ին Նոր Նորքի բաժնի քրեական հետախույզները, իրացնելով ստացված օպերատիվ տվյալները, այդ արարքը կատարելու կասկածանքով բաժին բերման են ենթարկել Իսակովի պողոտայի բնակիչ 18-ամյա մի երիտասարդի: Նա տվել է խոստովանական բացատրություն ու ներկայացվել Արաբկիրի քննչական բաժին:
Պարզվել է նաև, որ երիտասարդը նույն օրը տեխնիկական միջոցների գործադրմամբ դուռը բացել ու Կոմիտասի պողոտայի մի խանութից գողացել է 70 հազար դրամ և նոթբուք:
Կատարվում է նախաքննություն: