Չարաշահելով քաղաքացու վստահությունը՝ տիրացել էր գումարին

Մարտի 9-ին, ժամը 19.00-ին, ոստիկանության Կոտայքի բաժին հաղորդում տված 34-ամյա տղամարդը հայտնել է, որ Աբովյան քաղաքի 3-րդ միկրոշրջանում մի տղամարդու 442.000 դրամ է տվել՝ կնոջ անունով վարկ ձևակերպելու և իրեն «սև ցուցակից» հանելու համար, սակայն նա, չարաշահելով իր վստահությունը, չի կատարել ձեռք բերված պայմանավորվածությունը և խաբեությամբ տիրացել է գումարին:
Ձեռնարկված միջոցառումների շնորհիվ պարզվել է կասկածվողի ինքնությունը՝ Արարատի մարզի Երասխ գյուղի 30-ամյա բնակիչ: Մարտի 10-ին, ժամը 00.05-ին, նա Արարատի մարզի Արմաշ գյուղից բերման է ենթարկվել Կոտայքի բաժին և տվել խոստովանական բացատրություն:
Նախապատրաստվում են նյութեր: