Բերման ենթարկվածները խոստովանական բացատրություն են տվել

Մարտի 26-ին, ժամը 07.25-ին, ոստիկանության օպերատիվ կառավարման կենտրոնից Մասիսի բաժին հաղորդում էր ստացվել, որ գողացել են Մասիս քաղաքի 8-րդ փողոցի տներից մեկի մոտ կայանված ավտոմեքենայի մարտկոցը:
Ոստիկանության Մասիսի բաժնի քրեական հետախույզները, իրացնելով օպերատիվ տվյալները, մարտի 30-ին Էջմիածին քաղաքի Կամոյի փողոցից բերման են ենթարկել 32 և 19 տարեկան երկու տղամարդու, որոնք տվել են խոստովանական բացատրություն, որ նշված գողությունը կատարել են իրենք:
Պարզվել է, որ նույն օրը նրանք գողացել էին նաև Մասիսի 9-րդ փողոցի նրբանցքում կայանված մեքենայի մարտկոցը:
Ձեռնարկվում են միջոցառումներ՝ գողոնը հայտնաբերելու ուղղությամբ:
Նախապատրաստվում են նյութեր: